Incidentet në Kuvend/ PS përgatit propozimin për të ndëshkuar deputetët demokratë, mes tyre Hoti dhe Doda 18/10 09:55
Kryetarja e LSI-së Monika Kryemadhi është takuar këtë të martë me përfaqësues të shoqatave të biznesit të mesëm dhe të vogël, duke shprehur dhe qëndrimin e partisë së saj kundër përfshirjes së tyre në skemën e TVSH-së.
“Dhjetëra mijëra biznese janë në prag të falimentimit. Kjo do të thotë që dhjetëra mijëra njerëz do ti shtohen armatës së të papunëve. Biznesi i vogël dhe i mesëm ka nevojë për mbështetje dhe stimuj, dhe jo për gjoba, penalitete apo rritje taksash. LSI mbështet biznesin e vogël dhe te mesëm, duke cilësuar ato si shtyllën kurrizore për ekonominë e vendit. LSI është kundër rritjes së taksave dhe është kundër përfshirjes së këtyre bizneseve në skemën e TVSH-së. Në ditët në vazhdim, LSI do të dëgjojë të gjithë grupet e interesit dhe do të ketë propozime konkrete për çështjet fiskale dhe ekonomike”, tha kryetarja e LSI-së Monika Kryemadhi.
Më tej, kryetarja e LSI theksoi se zhvillimi i ekonomisë së vendit, lufta kundër varfërisë, përmirësimi i klimës së biznesit, nxitja e punësimit janë disa nga objektivat kryesorë të axhendës politike të LSI.
Top Channel
