Edhe pse humbja në “Olimpico” ndaj Romës peshon shumë për rrugëtimin sezonal, Antonio Conte ka besimin e drejtuesve të Chelsea.
Sipas medias britanike, më saktë ‘Mirror’, nënvijëzohet se tekniku duhet të shfrytëzojë të gjithë eksperiencën e tij në këtë moment të vështirë të sezonit për të mbajtur gjallë shpresat e skuadrës londineze për titullin kampion , duke nisur nga kjo e diel kur do të përballem me Manchester United.
Drejtuesit e Chelsea janë të bindur se në ecurinë e këtij fillimsezoni për kampionët e Anglisë kanë ndikuar dëmtimet e disa futbollistëve, nisur nga Kante, Moses, Drinkwater dhe Morata, si edhe vështirësitë e përshtatjes për Rudiger e Bakayoko.
Ndërkohë klubi është gati që të ndërhyjë edhe në merkaton e dimrit për të përforcuar skuadrën dhe për të kënaqur edhe kërkesat e trajnerit Italian, duke nisur ndoshta që mbrojtësi i majtë i Juves, Alex Sandro, objektivi kryesor i Contes.
Top Channel
