Presidenti i Kosovës, Hashim Thaçi shpreh bindjen se ushtria e Kosovës do të krijohet shumë shpejt dhe me miratimin e të gjitha forcave politike, përfshirë edhe serbët.
“Forcat e Armatosura do t’i krijojmë duke bashkuar vullnetin politik të të gjitha komuniteteve në Kuvendin e Kosovës. Jemi në rrugë të mirë drejt krijimit të një konsensusi të plotë dhe sikurse në debatin e sotëm publik me shoqërinë civile, ne gjithnjë do të flasim hapur me njëri-tjetrin”, shkruan ai në Facebook.
Thaçi thotë se nën shembullin e FSK-së, edhe Forcat e Armatosura do të jenë një vlerë e përbashkët për të gjithë qytetarët.
“Kosova do të bëhet me ushtri moderne e shumetnike dhe askush nuk mund ta bllokojë krijimin e saj”, vijon ai.
Top Channel
