Tension në La Liga, rrezikohet ndeshja Girona-Real

Tensionet mes mbështetësve të pavarësisë dhe qeverisë qendrore do të reflektohen mbi të gjitha në ndeshjet e fundjavës në La Liga, në veçanti në ndeshjen e futbollit Girona-Real Madrid.

Sfida e programuar të zhvillohet në qytetin katalanas ka rrezik të shtyhet për një datë tjetër. Ka nga ata që flasin edhe për një ekip si Reali i Madridit, në udhëtim pa autobusin zyrtar me kurorën mbretërore, por me makina anonime.

Si të mos mjaftonte klima e tensionuar në aksin Katalonjë-Madrid, Reali do të zbarkojë në Girona në kulmin e programit për ditën e “Sant Narcis”, një festë tradicionale e provincës.

Hoteli i formacionit “Los Blancos” do të jetë i blinduar nga forcat e policisë. Sipas radios “Onda Cero”, hipotezat për të shtyrë ndeshjen, për të evituar përshkallëzimin e situatës, po marrin formë reale nga ora në orë.

Top Channel