Balla: Basha e Kryemadhi të përmbahen. PS, çdo gjë për drejtësinë
22/10/2017 14:12
1 Maji në Elbasan, Rama uron njerëzit e punës: Asgjë nuk është e pamundur në këtë vendin tonë të bekuar
01/05 15:19
Kryetari i grupit parlamentar të PS, Taulant Balla ka reaguar ndaj deklaratave të deputetëve të opozitës në Këshillin e Mandateve, duke deklaruar se faza përfundimtare e mbledhjes së tij ka qenë gjithmonë me dyer të mbyllura.
Në një deklaratë për mediat, Balla ka përmendur edhe një sërë precedentësh, që sipas tij faktojnë ndjekjen e kësaj procedure.
“Në 20 e 6 vjet, në të gjitha rastet kjo pjesë ka qenë e mbyllur dhe rastet më tipike të këtyre mbledhjeve janë: vendimi për deputetin Lulzim Basha, për deputetin Fatmir Mediu, për deputetin Nikollaq Neranxi, për deputetin Dritan Prifti, për deputetin Ilir Meta, etj”, ka deklaruar Balla.
Balla ka theksuar se anëtarët e Këshillit të Mandateve duhen lënë të qetë të dalin në përfundimin e tyre dhe më pas, sipas procedurave, do të veprojë Kuvendi.
“I kërkoj Lulzim Bashës dhe Monika Kryemadhit t’i lënë anëtarët e këshillit të bëjnë punën e tyre. Ne do t’i krijojmë drejtësisë të gjitha kushtet që ky hetim të shkojë deri në fund”, ka shtuar Balla.
Top Channel
