Në kërkim të Habilajve, kontroll pronave dhe parave
21/10/2017 09:39
Debate në KLP, Tiranës dhe Elbasanit i mungojnë 51 prokurorë
18/07 21:17
Policia e Vlorës po vijon kontrollet në disa objekte dhe prona në pronësi të vëllezërve Habilaj, për kapjen e pjestarëve të kësaj bande, por edhe sekuestrim të lëndëve narkotike, që dyshohet të jenë fshehur në këto ambiente.
Po ashtu policia e qytetit bregdetar ka referuar në Prokurori, materialet në ngarkim të vëllezërve Habilaj, për “Pastrim të produkteve të veprës penale”, për 3 aktivitete biznesi, 5 automjete dhe një mjet lundrues. Drejtori i policisë së Vlorës, Gentian Shehaj në një dalje për mediat u kujdes të theksonte se uniformat blu nuk kanë qëndruar pasiv ndaj bandës “Habilaj”.
“Në lidhje me aktivitetin kriminal të këtij grupi theksojmë edhe njëherë faktin se Drejtoria Vendore e Policisë Vlorë në datën 30 Prill 2017 ka referuar në Prokurorinë e Krimeve të Rënda materialet procedurjale për grupin kriminal të njohur si “Habilaj”, pas informacioneve të siguruara për aktivitetin kriminal në fushën e trafikimit të narkotikëve”, tha Shehaj.
Policia po bashkëpunon edhe me Drejtorinë e Parandalimit të Pastrimit të Parave për evidentimin dhe bllokimin e llogarive bankare të këtij grupit kriminal “Habilaj”.
Ndërkohë në Vlorë policia arrestoi edhe 42-vjecarin Fredi Hoxhaj i cili ishte shpallur në kërkim ndërkombëtar nga Gjykata e Catanzaros, Itali për veprat penale “Shfrytëzim prostitucioni” dhe “Pjesmarrje në organizatë kriminale”.
Edhe në Tiranë blutë kanë vënë në pranga Adriano Ademin, 45 vjeç, i cili rezulton i dënuar nga Gjykata e Pordenones Itali, me 9 vjet burg për veprat penale “Shfrytëzim prostitucioni” dhe “Ndihmë për kalimin e paligjshëm të kufirit”.
Top Channel
