Meta: Pa luftuar varfërinë, nuk garantojmë të drejtë sociale

Pa luftuar varfërinë, është shprehur z. Meta nuk mund të garantojmë dot të drejtën sociale.

“Sot është dita për të rritur e garantuar dinjitetin njerëzor për të gjithë.  Lufta kundër varfërisë është një luftë për të garantuar të drejtat dhe dinjitetin e çdo qytetari, të çdo të moshuari, por edhe të çdo fëmije. Pa luftuar varfërinë nuk garantojmë dot drejtësinë sociale që meriton një shoqëri e standardeve evropiane, pa luftuar varfërinë nuk luftojmë dot një nga burimet kryesore të kriminalitetit dhe të sigurisë publike.

Për kreun e shtetit armë efikase për të luftuar varfërinë është rritja ekonomike më e madhe.

“Për këtë armët më efikase për të luftuar varfërinë janë një rritje ekonomike më e madhe. Një rritje ekonomike më gjithëpërfshirëse nga e cila të përfitojë e gjithë shoqëria dhe në radhë të parë ata që janë më në vështirësi dhe më të pamundur. Kërkohet zhvillimi i politikave sociale në drejtim sidomos të punësimit dhe në drejtim sidomos të edukimit për fëmijët”, është shprehur presidenti.

Top Channel