Goditi makinën e policisë, Bekteshi: Nuk desha. U largova nga frika
07/10/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Drejtuesi i mjetit që goditi makinën e nëndrejtorit të policisë së Elbasanit ka dalë këtë të shtunë në gjykatë.
Në dëshminë përpara prokurorëve dhe togave të zeza, shtetasi Enea Bekteshi ka dhënë variantin e tij për ngjarjen.
“Isha unë që po e drejtoja makinën. Ia kisha marrë pa leje Petrit Çelës”, ka thënë Bekteshi, i cili ka mohuar që të ketë pasur qëllime agresive në veprimet e tij.
“Nuk kisha ndërmend të godisja nëndrejtorin e policisë. Nga vendi i ngjarjes ika sepse u tremba”, ka thënë Bekteshi.
Një tjetër argument përmes të cilit i pandehuri ka dashur të përforcojë variantin e tij ka qenë se është përdorues i lëndëve narkotike. “Jam prej 12 vitesh përdorues i hashashit”, ka thënë Bekteshi.
Në përfundim të seancës, pasi ka dëgjuar pretendimet e Bekteshit, trupi gjykues ka pranuar masën e propozuar nga prokurorët, “arrest me burg” për të dhe kunatin e tij Aleks Pupuleku, i përfshirë në ngjarje.
Top Channel
