Presidenti i Republikës, Ilir Meta po zhvillon një vizitë zyrtare në Berlin, me ftesë të homologut gjerman Frank Walter Steinmeier.
Meta është pritur me ceremoni zyrtare nga Steinmeier, i cili përveçse ka vlerësuar marrëdhëniet dypalëshe ka shprehur mbështetjen për ambicjet europiane të Shqipërisë.
“Marrëdhëniet mes dy vendeve janë të shkëlqyera dhe këtë e fakton edhe vizita e sotme. Gjermania i kushton vëmendje të veçantë Shqipërisë, mbështet reformat e brendshme të saj dhe vlerëson rolin e saj në Ballkan”, ka thënë presidenti gjerman.
I pranishëm në bisedimet e zhvilluara ka qenë edhe ministri për Çështjet e Europës, Michael Roth.
Kjo është vizita e dytë jashtë vendit e kreut të shtetit që nga marrja e detyrës në korrik, pas asaj në Itali ku u takua me homologun Mattarella.
Top Channel
