Liverpool eliminohet nga Kupa e Ligës
20/09/2017 00:00
Nuk gabon Asllani, shënon me Interin në kampionat! 03/05 21:36
Liverpool i thotë lamtumirë Kupës së Ligës në Angli. Skuadra e drejtuar nga Jurgen Klopp u elimina nga Leicester, që e fitoi ndeshjen me rezultatin 2-0.
Liverpool, tek i cili trajneri gjerman kishte bërë rotacion, u shfaq më i rrezikshëm në fushën e lojës në pjesën e parë, me Oxlade-Chamberlain dhe Solanke, por Leicester gjeti golin dhe këtë e bëri në 45 minutat e dyta. Okazaki, i cili u aktivizua pikërisht në pjesën e dytë, shfrytëzoi një asist nga Iborra për të mposhtur portierin Ward.
Në minutat e fundit, Leicester shënoi edhe golin e dytë me Slimanin, duke siguruar një vend për në 1/8 e finales së Kupës së Ligës, ashtu siç bëri edhe Tottenham që mposhti Barnsley me golin e Dele Alli.
U kualifikuan për në raundin tjetër edhe Middlesbrough që mposhti Aston Villa dhe West Ham që eliminoi Boltonin, duke e mundur 3-0.
Top Channel
