Pushuesit kosovarë helmohen nga ushqimi në Durrës
18/09/2017 00:00
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Një grup pushuesish të ardhur nga Kosova për një fundjavë në plazh kanë përfunduar në spitalin rajonal të qytetit të Durrësit.
Shkak është bërë një helmim ushqimor. Drejtuesja e repartit infektiv Nadire Kërtusha thotë se situata e tyre po normalizohet. Nga dëshmitë e para mësohet se në përbërje të grupit janë punonjës të administratës dhe sindikalistë të komunës së Rahovecit.
Pasi kanë konsumuar një drekë në një nga restorantet e zonës së Shkëmbit të Kavajës, grupi ka nisur përgatitjet e kthimit, por gjendja e rënduar shëndetësore e pjesës më të madhe të tyre e ka vështirësuar situatën.
Burimet spitalore bëjnë të ditur se dhe persona nga stafi i restorantit kanë pasur të njëjtat simptoma.
Ndërkaq, policia vendore nuk ka dhënë ende asnjë njoftim zyrtar mbi ngjarjen dhe ecurinë e hetimit.
Top Channel
