Universitetet, gjysma bosh. 8.831 kuota në publik, 7.458 në privat
14/09/2017 00:00
Fluksi i lartë i turistëve, në Vaun e Dejës prenotime që prej muajit Mars! Vizitorët: Gjithçka është ndryshe nga sa jemi mësuar të shohim
04/05 15:12
Deri më tani 16.744 maturantë janë regjistruar për të ndjekur studimet në universitetet shtetërore dhe ato private. Kur kanë mbetur edhe disa javë nga mbyllja e procesit, drejtuesit e Qendrës së Shërbimeve Arsimore thonë se ende gjysma e kuotave janë bosh.
“Kemi rreth 15.839 kuota të lira, nga të cilat 8.831 në publik dhe 7.458 në privat. Në raundin e dytë kandidatët, kur shohin që në shtet kanë mbetur më pak kuota, atëherë fillojnë të bëjnë përzgjedhjen në sistemin privat”, tha Rezana Vrapi, drejtore e Qendrës së Shërbimeve Arsimore, MAS.
Fakulteti i Mjekësisë mbetet edhe këtë vit më i kërkuari, madje në një prej degëve të tij, regjistrimet janë mbyllur që me përfundimin e raundit të parë.
“Në total u kanë mbetur 99 kuota bosh. Dega Farmaci ka vetëm 3; Shëndeti Publik ka 13 kuota të mbetura bosh; Stomatologjia ka 5; Infermieria e Përgjithshme ka 11; dega Mami ka 1; më pas Teknik Laboratori me 24; Fizioterapia me 14; Logopedia ka 12 dhe Teknik Imazherie ka 16”, saktësoi më tej Vrapi.
Sipas Vrapit, deri tani nuk ka programe studimi me 0 të regjistruar, por me një numër të vogël kandidatësh që rrezikon të mbyllë degë të caktuara.
“Nga data 15 deri më 22 shtator bëhet aplikimi për raundin e dytë. Fituesit shpallen më 30 shtator. Ndërsa nga 1 deri më 14 tetor fillojnë regjistrimet përfundimtare”, deklaroi Rezana Vrapi.
Por ata maturantë që nuk kanë plotësuar formularin A1 apo A1Z nuk kanë të drejtë të aplikojnë në raundin e dytë, duke humbur kështu të drejtën e studimit për këtë vit akademik.
Top Channel
