Anija “Oriku” shpëton 52 emigrantë
10/09/2017 00:00
Tentoi t’i vidhte dy celularë dhe një orë 54-vjeçarit, bien në pranga dy personat që e ndihmuan të largohej nga vendngjarja 26/04 16:46
Anija shqiptare “Oriku” është përfshirë mesnatën e së shtunës në një operacion gjurmimi të një gomoneje me emigrantë dhe shpëtimit të tyre, në bashkëpunim me një anije të Frontex.
Ngjarja ka ndodhur në orët e vona të së shtunës dhe orët e para të së dielës, duke nisur nga 23:15 deri në 00:42.
Gomonia me emigrantë ishte pikasur në një distancë prej 1.2 miljesh nga brigjet turke, me destinacion ishullin Kios. Anija “Oriku” mori menjëherë të gjitha masat për njoftimin e komandës së grupit të gatshëm të NATO-s, Rojes Bregdetare turke dhe njësive të Policisë Kufitare të BE-së, Frontex.
Operacioni përfundoi me sukses, duke imbarkuar të sigurtë në bordin e anijes së Frontex, për verifikimin e mëtejshëm dhe regjistrimin nga autoritetet, të 52 emigrantëve, nga të cilët 19 fëmijë, 8 gra dhe 25 burra. Prej tyre, 24 ishin sirianë, 20 irakianë, 7 afganë dhe një palestinez.
Emigrantët e imbarkuar u shoqëruan për t’iu dorëzuar autoriteve në portin e ishullit Kios, e për fat të mirë nuk ka pasur persona të humbur në ujë apo të dëmtuar.
Top Channel
