Vrasja e gjyqtares, Basha: Shteti dhe gjithë ne e braktisëm!
31/08/2017 00:00
Aksion në Kadastër, arrestohen dy persona me urdhër të Prokurorisë së Posaçme 26/04 23:25
Edhe kryetari i Partisë Demokratike, Lulzim Basha ka reaguar për vrasjen e gjyqtares Fildez Kasemi. Përmes rrjeteve sociale, Basha thotë se “shteti dhe të gjithë ne e braktisëm atë”.
“Jam thellësisht i tronditur nga vrasja e ftohtë kriminale e një gruaje, një nëne, një gjyqtareje. Shteti dhe të gjithë ne e braktisëm Fildezen në fatin e saj tragjik. Ajo u lut e tmerruar për ndihmë dhe shpresoi, por u shpërfill nga një shtet dhe shoqëri e cila ka humbur forcën për të reaguar ndaj krimit dhe të keqes”, shkruan Basha.
“Jeta e humbur e Fildeze Hafizit është një tragjedi që nuk duhej të kishte ndodhur, por edhe një shuplakë zgjimi për të gjithë, për të reaguar kundër krimit. Në një shtet që amniston kriminelët dhe nuk mbron as njerëzit e drejtësisë, jeta e çdokujt është e pambrojtur. Ne duhet të gjejmë forcën që të paktën fëmijet e Fildezes dhe të gjithë shqiptarëve të kenë një jetë më të sigurt”, vijon më tej në reagimin e tij kreu i PD.
Top Channel
