Flakët pushtojnë 20 hektarë ullishte në Lushnjë
26/08/2017 00:00
Të paktën 20 hektarë ullishte, në kurorën e gjelbër të qytetit të Lushnjës, u vunë nën pushtimin e flakëve, mesditën e të shtunës.
Shkaqet e zjarrit ende nuk dihen, ndërsa forcat zjarrfikëse hasën vështirësi për shkak të terrenit.
Në aksionin për shuarjen e flakëve, u angazhuan edhe banorët e zonës, të cilët u përpoqën të mbrojnë banesat e tyre.
Ende nuk ka një bilanc për dëmet, ndërsa zjarri është favorizuar nga temperaturat e larta dhe era e fortë që frynte në drejtim të verilindjes.
Top Channel