Përfshihet nga flakët pylli mbi Ibë
01/08/2017 00:00
Një zjarr ka përfshirë në orët e pasdites së të martës kurorat e gjelbërta të kodrave në fshatin Ibë të Tiranës.
Brenda pak minutave, siç shikohet edhe nga pamjet e marra nga një kamerë amatore, zjarri ka përfshirë një sipërfaqe të konsiderueshme, i favorizuar edhe nga era.
Për shkak të terrenit, zjarrfikësit, por edhe fshatarët, e kanë patur thuajse të pamundur ndërhyrjen, pasi vatra e zjarrit ndodhej në një lartësi të konsiderueshme ku mungonin rrugët apo shtigjet.
Por, fatmirësisht era e ka shtyrë zjarrin drejt perëndimit, duke mos rrezikuar banesat.
Një tjetër vatër zjarri vazhdon edhe në Dajt.
Top Channel