UNESCO mbron pyjet e virgjëra shqiptare
08/07/2017 00:00
Lumi i Gashit pasuri botërore e mbrojtur nga UNESCO, Rama ndan pamje nga bukuritë e rralla të natyrës plot me turistë
19/04 08:34
UNESCO merr në mbrojtje edhe dy zona të tjera në Shqipëri. Komiteti i Trashëgimisë Botërore i mbledhur në Krakovë të Polonisë miratoi zgjerimin e zonës së Trashëgimisë Botërore të pyjeve të vjetër të ahut me dy zona nga Shqipëria.
Zona e Lumit të Gashit në Tropojë dhe Zona e Rrajcës në Përrenjas janë përfshirë në Listën e Trashëgimisë Botërore të UNESCO-s.
Pyjet e ahut në Rrajcë janë pjesë e Parkut Kombëtar Shebenik-Jabllanicë, i cili është kthyer tashmë në një destinacion turistik në Juglindje të Shqipërisë, ndërsa Zona e Mbrojtur “Lumi i Gashit ishte përfshirë nga autoritetet shqiptare si Rezervë Strikte Natyrore kategoria Parë në vitin 1996.
Sipas studiuesve shqiptarë, këto zona përfaqësojnë aktualisht ‘ishujt’ e fundit me pyje të virgjëra natyrore që kanë mbetur në Shqipëri.
Aktualisht ne Listën e Pasurive Botërore të UNESCO-s janë përfshirë nga Shqipëria Qyteti Antik i Butrintit, qytetet historike të Gjirokastrës dhe Beratit dhe Isopolifonia shqiptare.
Shqipëria pritet të dorëzojë në UNESCO edhe dosjen për emërimin e pjesës shqiptare të Liqenit të Ohrit, pasi pjesa maqedonase e këtij liqeni, ku ndodhen edhe dy të tretat e sipërfaqes, është pjesë e Trashëgimisë Botërore që prej vitit 1979.
Top Channel
