Schalke 04, Goretzka në “kafaz”
02/07/2017 00:00
Koha për vendime në mosmarrëveshjen ligjore të Paris Saint-Germain me Mbappe 16/12 01:40
Nëse Bayern apo Arsenal do të kishin vendosur për ta blerë para startit të Kupës së Konfederatave, do t’i kishin kursyer vetes miliona shpenzime për një talent në shpërthim e sipër.
Por, performanca e Leon Goretzka në turneun në Rusi, e ka rritur ndjeshëm vlerën e tij në treg, e bashkë me të edhe numrin e pretendentëve.
Drejtori Sportiv i Schalke 04, i gjendur përballë një interesi të madh nga gjigantët e futbollit europian, ka insistuar se mesfushori do të qëndrojë në Gelssenkirschen të paktën dhe një sezon. Por, përballë një çeku të majmë prej të paktën 40 milionë eurosh, edhe skuadra e pellgut të Ruhrit do të dorëzohej shpejt.
“Ne presim që të nisim kampionatin sërish me Goretzkën në ekipin tonë, pasi është futbollisti më i mirë që kemi. Nuk ka asnjë kuptim ta lëmë të ikë, edhe pse mund ta kërkojnë klube gjermane dhe kineze”, tha drejtori i Schalke, Kristian Haidel.
Leon Goretzka nuk ka pranuar të diskutojë të ardhmen gjatë Kupës së Konfederatave, por 22-vjeçari joshet jo pak nga radarët e Bayern dhe Arsenal drejtuar mbi të.
Top Channel
