Temperaturat e larta dhe mungesa e reshjeve të shiut në të gjithë Italinë u ka kushtuar fermerëve një miliard euro dëme deri më tani, siç thotë Shoqata Kombëtare Bujqësore.
Niveli i ujit në lumenj dhe liqene ka rënë në nivele që nuk janë parë ndonjëherë më herët këtë verë, përfshirë edhe lumin Po, që në disa vende është reduktuar në një përrua të vogël.
Qeveria italiane shpalli gjendjen e emergjencës në qytetet veriore të Parmës dhe Piaçencës, ku zakonisht prodhohen domate, djath dhe sallam i cilësisë së lartë.
Vreshtat e rrushit në afërsi të Venecias janë vjelur më herët. Prodhuesit e mocarelës afër Napolit kanë rënë në krizë dhe barinjtë sardë kanë nxjerrë traktorët në rrugën kryesore për të kërkuar ndihmë, për të shpëtuar atë që ata i mban gjallë.
Por ndërkohë, parashikimet e motit tregojnë se situata do të ndryshojë në mënyrë radikale. Pas të nxehtit të ditëve të shkuara, tani në të gjithë veriun e Italisë është ndezur alarmi i motit të keq dhe priten stuhi, përmbytje e rrëshqitje dheu.
Top Channel
