Më shumë se 40 milionë dollarë priten të shpenzohen në një garë për Kongresin në shtetin e Georgias, duke e bërë atë garën elektorale më të kushtueshme në historinë e Shteteve të Bashkuara të Amerikës.
Shpenzimet totale të të gjithë kandidatëve, që garojnë për vendin e Georgias në Kongres, ka arritur shifrën 56 milionë dollarë, përfshirë edhe dhjetëra e miliona dollarë nga grupe të jashtme. Nga totali, 51.9 milionë dollarë janë shpenzuar për dy kandidatët kryesorë, atë republikan dhe atë demokrat.
Vendi i Georgias në Kongres është mbajtur nga Partia Republikane prej dekadash, por sfidanti demokrat, Jon Ossoff shpreson ta përdorë garën si një referendum mbi presidentin Donald Trump.
Ky i fundit, në një postim në “Twitter” e cilësoi demokratin Ossoff, një votues që nuk mund të zgjidhet dhe mbështeti kandidaten republikane, Karen Handel, duke ftuar mbështetësit të marrin pjesë në votime.
Gara tjetër elektorale më e kushtueshme, për Dhomën e Përfaqësuesve, ka qenë fitorja vitin e kaluar e kreut të saj, Paul Ryan, me plot 19.8 milionë dollarë.
Top Channel
