E kishte kërkuar prej ditësh, e më në fund ka mundur ta përqafojë. Ribashkimi që po emocionon rrjetin ndërkombëtar ka si protagoniste Clarita Ghavimi, një prej banoreve të kullës “Grenfell” në veri të Londrës, si dhe heroin e saj, Luca Branislav, i cili e shpëtoi 66-vjeçaren nga vdekja e sigurtë.
Të dy ata jetonin në katin e 11 të godinës shumëkatëshe të pushtuar nga flakët më 14 qershor.
Branislav trokiti në derën e fqinjes së tij, e cila ishte përpjekur të largohej nga apartamenti, por nuk kishte mundur ta bënte për shkak të tymit të dendur. Ai rrezikoi jetën e tij, duke e mbajtur gruan në krahë teksa përshkoi 11 kate, ndërsa flakët përpinin kullën në Kensingtonin verior.
66-vjeçari u përpoq dëshpërimisht për ta gjetur shpëtimtarin e saj dhe nuk ka mundur t’i përmbajë emocionet ndërsa e përqafonte.
“Unë hapa derën dhe ti më tërhoqe. Unë nuk po dilja dot. Nuk ndaloj dot së qari”, shprehet e shpëtuara e përlotur.
Të paktën 79 janë viktimat e konfirmuara të tragjedisë, ndërsa vetëm 5 prej tyre janë identifikuar zyrtarisht. Shumë të tjerë vazhdojnë të jenë të zhdukur dhe policia ka paralajmëruar se bilanci mund të rritet.
Top Channel
