Ngacmonte nxënëset, denoncohet drejtori
25/05/2017 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Drejtori i një shkolle të mesme në Berat është ndaluar nga policia me akuzën e ngacmimit seksual ndaj dy nxënëseve.
Yzedin Hajdari, 59 vjeç, dyshohet se ka ngacmuar në zyrën e tij dy nxënëse të klasës së 11 në shkollën “Babë Dudë Karbunara”. Denoncimi në polici është bërë në prani të psikologes.
Drejtori, i cili njëkohësisht është dhe mësues i lëndës së gjeografisë në këtë shkollë, mësohet se i kishte marrë nxënëset në drejtori për të kryer një provim të prapambetur.
Raportimet për këtë ngjarje kanë tronditur nxënësit e shkollës. Ata thonë se e dënojnë aktin nëse ai është i vërtetë, por drejtorin e njohin si person korrekt.
“Ne jemi në moshën e mbesave të tij dhe nuk besoj se do bënte diçka të tillë. Jemi shokuar kur e kemi dëgjuar, pasi është shumë person pozitiv”, thonë nxënësit.
I pezulluar tashmë nga detyra, Hajdari akuzohet për veprat penale “ngacmim seksual” dhe “shpërdorim i detyrës”.
Top Channel
