Kompjuteri mund kampionin e lojës “Go”

Ekspertët thonë se, Ke Jie luajti në mënyrë perfekte dhe e shtyu në “limit” kundërshtarin e tij kompjuterik, por pa arritur ta mposhtë.

“Jam pak i trishtuar, sepse mendoj që luajta mjaft mirë. Megjithatë, them se do të ketë raste të tjera për të fituar mbi ‘AlphaGo’”, tha Ke Jie, kampion i lojës “Go”.

Lojtarët e kësaj loje kanë 19 gurë në dispozicion dhe luftojnë me njëri-tjetrin për të marrë nën kontroll sa më shumë nga territori i fushës që kanë përpara.

Ajo konsiderohet si një ndër më komplekset në bote, e për kompjuterin është shumë më e vështirë se shahu.

Eksperiencën e saj, “AlphaGo” e ka grumbulluar nga studimi i ndeshjeve të vjetra, e duke luajtur po kështu mijëra herë kundër vetes. “DeepMind”, kompania që e ka krijuar këtë program, thotë se ka në plan, që këtë inteligjencë kaq të avancuar artificiale ta zhvendosë edhe në fusha të rëndësishme, si mjekësia apo shkenca.

Top Channel