Dëmet e tërmetit, çahen muret e shtëpive
25/05/2017 00:00
EMRI/ I dënuar me 15 vite burg, arrestohet 64-vjeçari në Durrësi 26/04 13:32
Tërmeti që ra të mërkurën, me epiqendër pranë Bulqizës, ka shkaktuar dëme në disa fshatra. Përveç ankthit dhe frikës për përsëritje të lëkundjeve të tokës, muret e plasaritura janë disa prej pasojave që po trembin banorët.
Familja me 5 anëtarë e Adriatik Hoxhës, nga fshati Strikçan i njësisë administrative Zerqan të Bashkisë Bulqizë, kërkon ndihmë. Adriatiku thotë se shtëpia e tij është gati e pabanueshme.
“Ka shumë plasaritje, mund të futësh dorën brenda. Është e çarë më shumë se një pëllëmbë. U bëj thirrje organeve përkatëse që të më ndihmojnë sepse jam në gjendje kritike”, thotë Adriatik Hoxha.
Sipas Institutit të Gjeoshkencës, Energjisë, Ujit dhe Mjedisit, tërmeti me magnitudë 4.4 e kishte epiqendrën në fshatin Vinjollë të Matit. Lëkundjet e tërmetit janë ndjerë lehtë në territoret e qarkut Tiranë, Dibër dhe Elbasan.
Top Channel
