Rrokadë në policinë e Tiranës, ndryshohen shefa komisariatesh
08/05/2017 00:00
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Pas ndryshimeve në poste drejtuese në rang vendi në Policinë e Shtetit, rrokada ka vijuar edhe në atë të kryeqytetit në nivel komisariatesh.
Zv. Drejtori Skënder Hita emërohet në të njëjtën detyrë, por në Lezhë. Në vend të tij në Tiranë emërohet Arsen Sinomati, i cili më pare mbante detyrën e shefit të komisariatit nr. 2. Elton Alushi nga shef i komisariatit nr. 1 emërohet shef sektori në krimet e lehta në Policinë e Tiranës.
Shkarkohet shefi i komisariatit nr. 4 Alket Shatro dhe emërohet specialist në sektorin e Krimeve të Rënda në Drejtorinë e Përgjithshme. Në komisariatin nr. 4 emërohet Agim Hoxha ish-shefi i komisariatit Shijak.
Ndërkaq, në Shijak vendin e Hoxhës e zë Aliosha Broka. Ndërkohë shefi i repartit “Shqiponja” Vladimir Laskaj është larguar nga kjo detyre me kërkesë të tij para një muaji, dhe është emëruar specialist në drejtorinë e pergjthshme të Policisë. Shefi i komisariatit rrugor Ervin Hasrama zëvendësohet nga Erjon Ahmeti.
Lëvizjet e reja kanë prekur edhe qarkullimin rrugor dhe komisariatin e Rinasit, Pukës, Skraparit, Gramshit, Cërrikut dhe Shkodrës.
Ndërkohë, një sondazh i publikuar në faqen e internetit të Top Channel me pyetjen: Ndryshimet në polici, a lidhen me luftën ndaj kanabisit? 68 për qind e atyre që i janë përgjigjur kësaj pyetje thonë PO dhe vetëm 38 JO.
Top Channel
