Panairi i makinave lukzose në Shangai
21/04/2017 00:00
SHBA/ Shoferi refuzoi ta transportonte për shkak të peshës së saj, reperja ngre padi kundër taksistit 29/09 17:41
Panairi i Makinave në Shangai ka tërhequr me mijëra vizitorë, një pjesë thjeshtë kureshtarë të interesuar për t’u ulur në vendin e shoferit të automjeteve më të fundit të prodhuesve të mëdhenj. Krijimet e tyre i kanë prezantuar një sërë firmash të njohura si Porsche, Honda, Ford e Ferrari.
“Zakonisht nuk e kam mundësinë që të prek makina të tilla, ama ne sot jo vetëm mund të afrohemi, por edhe të ulemi në to e të vendosim duart në timon. Ndjesia është e jashtëzakonshme”, thotë vizitori Xu Juan.
“Mua më duket se firmat kineze të automjeteve synojnë një cilësi të lartë në zhvillimin e tyre. Më duket se po përmiresohen gjithmonë e më shumë dhe kjo më bën mjaft përshtypje”, thotë Jing Jiawei, një tjetër vizitor.
Prodhuesit e makinave në Kinë po përpiqen të zhvillojnë të ashtuquajturat automjetete të reja të cilat furnizohen pjesërisht, apo plotësisht me energji elektrike, duke paraprirë kështu rregullat e reja që pritet të implementohen nga fillimi i vitit të ardhshëm.
Disa prej vizitorëve megjithatë thonë se i mbeten besnikë makinave tradicionale. Panairi do të qëndrojë i hapur deri në fund të muajit prill.
Top Channel
