Dorëhiqet Milinkoviç, Tavo: Tërheq ekipin nga gara
16/04/2017 00:00
Në Itali janë të sigurt, trajneri që surprizoi në Europian do të marrë drejtimin e Romës 12/11 14:43
Hirushja e kampionatit, Luftëtari pësoi këtë të diel humbje 1-2 ndaj Flamurtarit, humbje kjo që tronditi thellë gjithë ekipin.
Surpriza më e madhe, pas humbjes së gjirokastritëve, ishte se trajneri i Luftëtarit, Milinkoviç dhe drejtori sportiv, i paraqitën dorëheqjen presidentit, që do të vendosë nëse do t’i pranojë apo do t’i refuzojë ato.
Sipas burimeve të Top Channel, tekniku serb u ndje i tradhtuar nga loja e disa futbollistëve, aq sa të mos e përmbante shpërthimin e tij në fundin e 90 minutëshit.
Presidenti I ekipit të Luftëtarit, Grigor Tavo konfirmoi të dielën në mbrëmje, se atij i ka paraqitur dorëheqjen trajneri I ekipit dhe shefi I klubit, me arsyetimin që nuk po e mbroj dot punën e tyre nga padrejtësitë dhe turpet në vendim-marrjen kundër Luftëtarit.
Tavo thotë se ai nuk shet ndeshje dhe është i pikëlluar me rezultatin e takimit me Flamurtarin, për të cilin bën përgjegjës arbitrin e takimit.
Ai thotë se I kërkon trajnerit dhe shefit të ekipit që të rikthehen, por nëse kjo nuk ndodh brenda javës, atëherë ai tërheq ekipin nga gara.
‘Kësaj radhe me të vërtetë i pikëlluar’, shkruan Tavo dhe shton se ‘po shkatërrohet një punë e shkëlqyer, të cilën e vlerësoi gjithë Shqipëria.
Top Channel
Në Itali janë të sigurt, trajneri që surprizoi në Europian do të marrë drejtimin e Romës 
