Deklarata e Metës; socialistët, hutim dhe zemërim
04/04/2017 00:00
Rama publikon fotot e shkollës 9-vjeçare në Shkodër: Si e trashëguam dhe si do ta bëjmë me Benetin e me financimin e qeverisë
03/05 19:35
Deputetët socialistë e kanë komentuar në mënyra të ndryshme situatën poilitike shumë të vrullshme, me takimin Rama-Meta dhe deklaratën e mbrëmshme të kreut të LSI.
Në prononcimet e dhëna gjatë ditës për mediat, ata nuk e fshehin hutimin por edhe zemërimin.
“Aleanca do ketë një mandat të dytë dhe përpjekjet brenda saj për të afruar dhe qetësuar të gjithë aktorët politikë është e mirëseardhur”, deklaroi ministri i Financave, Arben Ahmetaj.
“Ligji e parashikon qartë se si nënpunësit civilë nuk përfshihen në procesin zgjedhor, ndaj dhe garancia është e plotë”, tha ministrja e Inovacionit, Milena Harito, lidhur me kërkesën për garanci për zgjedhje të lira.
“Cila është qeveria e besimit? Qeveria e shqiptarëve mjafton”, tha Xhemal Qefalia, deputet i PS.
“Qeveria është qeveri e besimit, sepse ka marrë besimin në Parlament. Unë nuk mendoj se aleanca ndodhet në një krizë për çështjet e saj”, tha deputeti tjetër i PS, Dashamir Peza.
“Jam bashkë me zotin Peza për të konfirmuar unitetin e Luftës Antifashiste që Martaneshi dhe Peza kanë bërë bashkë dhe që nuk na ndan dot asnjë forcë tjetër. Akoma me çadrën ju?”, tha nënkryetari i LSI, Luan Rama.
Top Channel
