Balla: LSI, opozitë vetvetes
25/03/2017 00:00
Sot seancë plenare/ Dy interpelanca të kërkuara nga opozita me ministrin e Brendshëm dhe ministren e Arsimit, çfarë pritet të ndodhë në Kuvend 02/05 08:39
Në Qarkun e Elbasanit fushata ka filluar të ndizet pa nisur akoma zyrtarisht. Akuzave të deputetes së LSI-së Monika Kryemadhi për pseudoreforma, në Elbasan u është përgjigjur jo pa ironi deputeti Taulant Balla.
Ai tha se Monika Kryemadhi, e caktuar për drejtimin e fushatës së LSI-së në këtë qark, është duke u bërë opozitë punës së dikastereve që drejton partia e saj.
Balla solli si shembull, sipas tij, një deklaratë të Kryemadhit në takim me fermerët në fshatin Shushicë.
“Mos ja qani hallin opozitës, të paktën në Elbasan, sepse e ka nisur fushatën. Nuk e di çdo të bëjë në qarqet e tjera, por Monika bën opozitë për dikasteret që janë përgjegjësi e partisë së saj. Monika Kryemadhi shkoi në Shushicë dhe u tha fermerëve që për bujqësinë nuk është bërë gjë, ndërkohë që Ministrinë e Bujqësisë dhe Agjencinë e Pagesave të Fermerëve e ka vetë LSI-ja”, u shpreh ai.
Edhe pse mbetet ende që të bëhet zyrtare nga shtabet respektive, bëhet me dije se Balla dhe Kryemadhi do të jenë drejtuesit e fushatave të partive respektive në Qarkun e Elbasanit.
Top Channel
