Performanca energjitike, Shqipëria përmirësohet me 10 vende
23/03/2017 00:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Shqipëria është përmirësuar me 10 vende në indeksin vitit 2017 të Forumit Ekonomik Botëror në lidhje me performancën arkitekturore të energjisë. Raporti rendit 127 shtete, ku Shqipëria radhitet e 25-ta.
Indeksi bën vlerësimet në bazë të perfomancës energjitike të çdo vendi dhe vit bazë është 2009-a. Në vend të parë gjendet Zvicra e ndjekur nga disa shtete të tjera të zhvilluara si Norvegjia, Suedia, Danimarka, etj.
Por në vlerësimet Forumit Ekonomik Botëror jo gjithmonë zhvillimi ekonomik lidhet me performancën e energjisë dhe si shembuj konkretë përmenden Shqipëria dhe Paraguai, që megjithëse me një GDP të ulët për frymë kanë një performancë të mirë energjitike.
Nga ana tjetër, shtetet e rajonit gjenden shumë vende prapa Shqipërisë. Greqia radhitet e 38-a, Bullgaria e 42-ta, Maqedonia e 75-ta dhe Bosnja e 84-ta.
Forumi Ekonomik Botëror merr në konsideratë rreth 18 faktorë për indeksimin, kryesorët prej të cilëve janë ndërveprimi me rritjen ekonomike dhe zhvillimin, qëndrueshmërinë mjedisore, aksesin në energji dhe sigurimin e saj.
Top Channel
