I dyshuar si drejtues i një grupi kriminal dhe i akuzuar për mbi 50 grabitje në Europë, nën masa të rrepta sigurie Edison Pula del para gjykatës në Francë
Gjykata e Apelit për Krimet e Rënda refuzoi kërkesën e ish-drejtorit të Përgjithshëm të Burgjeve, i cili kërkoi zbutje të masës së sigurimit nga ajo me burg, në një më të lehtë.
Përmes avokatit të tij, ish-drejtori Artur Zoto i tha Gjykatës së Apelit se ai nuk paraqet rrezikshmëri dhe se nuk ekziston mundësia që ai të largohet jashtë Shqipërisë.
Gjithashtu, avokati Theodhori Sollaku gjatë shqyrtimit të kërkesës përmendi se dëshmitari i mbrojtur nga shteti, Iliaz Labi, i cili ka rrëfyer kundër Zotos, nuk është i besueshëm pasi ai është i bashkëpandehur në proces.
Gjykata e Apelit për Krimet e Rënda i çmoi pretendimet si të paprovuara e për këtë arsye la në fuqi vendimin e Shkallës së Parë, arrest me burg.
Artur zoto u arrestua për skandalin e tenderit me ushqimet e të burgosurve, aferë korruptive për të cilën ka përfunduar në burg edhe ish-zëvendësdrejtori i Përgjithshëm i Burgjeve, Iliaz Labi.
Top Channel