Vettingu, Kuvendi në seancë të jashtëzakonshme ditën e hënë
03/03/2017 00:00
“Mos guxo të më bërtasësh”, debate në mbledhjen e komisionit hetimor për koncesionet në Shëndetësi, Vokshi-Koçit: Ule zërin! 25/04 11:38
Kuvendi i Shqipërisë do të mblidhet në një seancë plenare të jashtëzakonshme ditën e hënë.
Vendimi për mbajtjen e kësaj seance është marrë këtë të premte, kur në Tiranë ndodhet për një vizitë zyrtare shefja e Politikës së Jashtme të BE, Federica Mogherini.
Sipas një njoftimi për shtyp nga Kuvendi, seanca në rend të ditës do të ketë:
1. Projektvendim “Për procedurat parlamentare për funksionimin e komisioneve ad hoc dhe realizimin e procesit të votimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
2. Projektvendim “Për krijimin dhe përbërjen e komisionit ad hoc për verifikimin e kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (neni 55, Rregullore, votim me shumicë të thjeshtë).
Top Channel
