I dyshuar si drejtues i një grupi kriminal dhe i akuzuar për mbi 50 grabitje në Europë, nën masa të rrepta sigurie Edison Pula del para gjykatës në Francë
Nga Saranda, gjatë një takimi me minoritetin grek, kryeministri Edi Rama ka prezantuar ligjin e ri për pakicat që tashmë është gati për të shkuar në Kuvend.
Ndërsa vlerësoi çështjen e pronave si më problematiken, si për minoritetet ashtu dhe për të gjithë shqiptarët, kreu i qeverisë tha se faji për mbivendosjet, spostimet e trojeve, apo konfliktet është i gjykatësve dhe prokurorëve të korruptuar.
“Nëse nuk duam që të vazhdojmë të shohim si na grabiten pronat, duhet të fillojmë zbatimin e reformës në drejtësi nga vettingu. Mbivendosjet, spostimet, konfliktet, ngatërresat i krijuan këta, gjykatësit dhe prokurorët e korruptuar”, deklaroi Rama.
Nuk mungoi me këtë rast një mesazh i personalizuar për ish-aleatin e tij, tani bashkuar me kundërshtarët.
“Vettingu për shqiptarët dhe minoritarët është e njëjta nevojë dramatike e të sotmes. A më thoni dot çfarë bën Vangjel Dule në çadër? Më thoni dot pse nuk vjen të votojë vettingun?”, u shpreh Rama.
Më herët, nga Vlora, mesazhi i kryeministrit për vonesat dhe pengesat që po i bëhen reformës në drejtësi ishte edhe më direkt.
“Në një sistem ku e drejta është një mall ku blihet në gjykatë, siç blen domatet dhe kastravecat në Pazar, nuk ka te ardhme. Kjo është baza e shtetit dhe prandaj lufta që po bëhet për të mos lejuar për të mos bërë shtet është kaq e egër, një rezistencë kaq e madhe e atyre që në 25 vjet kanë gjetur shesh dhe kanë bërë përshesh”, tha Rama.
Top Channel