Vijojnë kërkimet për minatorët kinezë

Për të monitoruar situatën në minierë, i pranishëm ishte edhe zv/ministri i Ministrisë së Energjisë dhe Industrisë, Gëzim Musabelliu, sipas të cilit, kërkimet e deritanishme për 3 specialistët kinezë të mbetur në thellësi të nëntokës, nuk kanë dhënë rezultate.

Kjo ka ardhur për faktin se ende përqindja e gazit të hidrogjenit në thellësi të nëntokës viijon të jetë e lartë. Gjatë kësaj periudhe, nga dy grupet, ai i specialistëve të RISHM-it dhe avaro-shpëtimit të minierës, është punuar prej  4 ditësh me ritme shumë të mira dhe të larta.

Aktualisht, në nivelin e 16 janë vendosur dy ventilatorë, njëri për tërheqjen e gazit të papastër nga niveli i 21, ku dhe ndodhi aksidenti dhe tjetri për dërgimin e ajrit të pastër në nivelin 21, gjë e cila ka dhënë dhe rezultat për hollimin e gazit hidrogjen.

Burime nga miniera bëjnë me dije se sot niveli i gazit është ulur dhe gjatë mesditës pritet të futen specialistët në nivelin 21 për të parë situatën e shkaktuar nga shpërthimi, ku dhe do të nisin kërkimet për tre minatorët kinezë.

Top Channel