Shkodër, mbahet koncerti tradicional i Krishtlindjes

Orkestra e harqeve e udhëhequr nga Eugjen Gargjola, Artisti i Merituar Mirush Kabashi, sopranoja Erinda Agolli, si dhe kori polifonik që priti Papa Françeskun në vizitën e tij në Shqipëri e bënë të veçantë këtë aktivitet.

Administratori i Dioqezës së Sapës, Dom Simon Kulli dha mesazhin e tij për të pranishmit. “Kjo mbrëmje artistike na dhuron atë gëzim të domosdoshëm që lartëson zemrat tona, na sjell klimën e festave dhe përcjell mesazhin e dashurisë për më të varfërit, mesazhin e paqes, gëzimit e dashurisë mes njëri-tjetrit”, u shpreh Dom Simoni.

Mjaft emocione solli dhe interpretimi  i aktorit të njohur Mirush Kabashi, që solli vargjet e Nenë Terezes dhe të martirit Dom Lazer Shantoja.

Top Channel