Avokati i Popullit, Igli Totozani organizoi një diskutim me përfaqësues të minoriteteve në vendin tonë për projektligjin për pakicat kombëtare.
Në fjalën e hapjes, Totozani vlerësoi projektligjin, por shprehu rezerva nëse ky projektligj do të përfshijë edhe minoritetet etnogjuhësore, pasi specifikimet nuk janë të qarta.
Totozani garantoi përfaqësuesit e minoriteteve që Avokati i Popullit do të monitorojë diskutimet për projektligjin dhe miratimin në mënyrë që asnjë dhe askush nga komunitetet të mos mbetet jashtë këtij ligji.
Edhe përfaqësuesit e minoriteteve prezentë në takim vlerësuan projektligjin, ndërsa kërkuan që të përcaktohen kritere më të qarta mbi njohjen e minoriteteve të ndryshme si dhe të përcaktohen institucionet që do të mbikqyrin zbatimin e këtij ligji.
Top Channel