“Mbetjet” mbërrijnë të LSI, AKIP dhe industria takim në partinë e Metës
24/10/2016 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Kthimi nga Presidenti i ligjit të mbetjeve në Kuvend riaktivizoi lobimin e grupeve ‘pro’ dhe kundër ligjit.
Petrit Vasili i LSI-së ishte i pari që priti edhe përfaqësuesit e ricikluesve, edhe ata të aleancës kundër importit të plehrave. Por deri tani, LSI-ja, pozicioni i të cilës është kyç për të ardhmen e ligjit, nuk ka vendosur sesi do të votojë.
“Besoj se është një ditë për të dëgjuar me shumë vëmendje gjithçka dhe sigurisht nga dëgjimi i vëmendshëm lind edhe reflektimi. Dhe sot nuk është dita e reflektimeve”, tha Vasili.
Përfaqësuesit e aleancës kundër importit të mbetjeve kanë kërkuar takim më të gjithë kryetarët e grupeve parlamentare dhe pozicioni i tyre në lidhje me ligjin që lejon importin e mbetjeve, është i qartë shfuqizim i tij.
“Ndalim total të importit të mbetjeve. Çdo amendament, do të ishte një tradhti e re”, u shpreh Lavdosh Feruni, ambientalist.
Paralelisht me takimet me kryetarët e grupeve parlamentare, aleanca kundër importit të plehrave po organizon edhe një protestë të re, e parashikuar për të dielën.
Top Channel
