Skënderbeu e Flamurtari mposhtin debutuesit, Tirana e Laçi ndajnë nga 1 pikë

11/09/2016 00:00

Skënderbeu mposhti 2-0 Korabin, një skuadër e cila vuajti përvojën e munguar në nivele të tilla futbolli. Kampionët në fuqi nuk ishin ndikuar aspak nga lajmet e mesjavës dhe falë cinizmit të tyre arritën të fitonin dhe ndeshjen e dytë në Superligë dhe të mbanin kreun e saj me pikë të plota.

Korçarët kaluan në avantazh në daljen e parë përpara me Jashanicën, i cili fitoi duelin me dy mbrojtësit kundërshtarë dhe mposhti Vujadinovicin.

Korabi u përpoq të rikthejë barazpeshën, por lojtarët e skuadrës dibrane vuajtën në finalizimin e aksioneve të krijuara. Ai që vulosi ndeshjen ishte Salihi, i cili pavarësisht se nuk u dëgjua shumë për 75 minuta arriti të shënojë golin e dytë për korçarët dhe të nokautit për  dibranët, të cilët për javët e ardhshme duhet të punojnë akoma më shumë në fazën sulmuese.

Tirana dhe Laçi mbajtën të njëjtin kurs edhe në javën e dytëm duke ndarë nga 1 pikë pas barazimit pa gola në stadiumin e Kurbinit.

Një ndeshje pa shumë emocione dhe ato pak raste që u krijuan nuk u shndërruan në gol nga lojtarët e skuadrave përkatëse.

Ka rezultuar një seancë stërvitore për Flamurtarin sfida ndaj Luftëtarit, skuadër të cilën e mposhtën me rezultatin e thellë 5-0.

Shkodra, Bushiç, Galiç dhe Shehaj ishin goleadorët e skuadre vlonjate e cila merr 3 pikët e para këtë sezon dhe ngjitet përkohësisht në vendin e 2, në pritje të 2 sfidave të së hënës.

Top Channel

BILETA Portokalli - AG SHOW - Bileta