Çfarë spektakli në qiellin francez
06/09/2016 00:00
Një supergol dhe një asist, adoleshenti Yamal shpall kampion të Spanjës Barcelonën pas fitores në derbi 15/05 23:29
Franca u bë vendi organizator i Kampionatit Botëror të akrobacisë me parashutë. Në qiellin e vendit transalpin spektakli ishte i mahnitshëm teksa pjesëmarrësit shfaqën manovrat e tyre më të mira në një lartësi prej 800 metra.
Garimi në këtë Botëror ishte në aspektin individual si dhe në manovrat e sinkronizuara.
Në manovrat individuale ishte francezi Fransua Ragolski ai që u shpall kampion bote duke lënë në vendin e dytë bashkëkombasin tij Tim Alonzhi, ndërkohë që i treti u pozicionua spanjolli Lorens.
Për femra titulli i shkoi Kristina Kolb e ndjekur nga Nikol Shmidt dhe Lea Hesenberger.
Në manovrat e sinkronizuara dominuan vëllezërit Rodriguez pas 7 fluturimeve. Në vendin e dytë u pozicionua dyshja Lorens-De Blik, ndërsa në të tretin u klasifikuan zviceranët Gajser dhe Paclard.
Top Channel
