Mjeti më i madh fluturues përplaset në provën e dytë

25/08/2016 00:00

Airlander 10, mjeti më i madh fluturues në botë, kreu me sukses provën e parë të ngritjes vetëm pak ditë më parë. Dje bëri të dytën dhe u përplas.

Sado që përplasja ndodhi pa shpejtësi dhe balona nuk u dëmtua, as pjesët motorike, kabina ku qëndronte piloti pësoi dëme. Asnjë njeri nuk është lënduar. Foto 2.

Sipas inxhinierëve, shkak ishte një kavo mbajtëse që kishte prekur një tel shtyllash elektriku.

Airlander 10 është një mjet hibrid që përdor aerodinamikën për t’u ngritur në qiell, ashtu si çdo avion tjetër, por pastaj qëndron në ajër me javë të tëra nëpërmjet heliumit, si çdo balonë tjetër.

Me 92 metra gjatësi dhe 45.5 metra gjerësi, ky është mjeti fluturues më i madh në planet.

Ushtria amerikane kishte shpenzuar 300 milionë dollarë për këtë mjet fluturues që mund të transportonte 10 tonë e që mund të rrinte në ajër  me javë, pa asnjë njeri në bord. Por projekti u ndërpre për shkak të shkurtimeve në buxhet në vitin 2013.

Kompania që e prodhoi, Hybrid Air Vehicles (HAV), bleu sërish vetëm për 300 mijë dollarë atë që kishte shitur për 100 milionë. Pasi punoi me përmirësime, Airlander 10 u ngrit në fluturim për herë të parë më 17 Gusht, në Britani, dhe gjithçka shkoi me sukses.

FOTO GALERI
1/9

Top Channel