Lurë, në kërkim një shtetas për prerje të paligjshme të pishave
30/07/2016 00:00
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Vijon operacioni “Roja e Gjelbër” në Dibër për prerje të paligjshme të pishave në Lurë. Një person është shpallur në kërkim ndërsa një tjetër po procedohet penalisht.
Specialistët për Hetimin e Krimit në Komisariatin e Policisë Dibër, në bashkëpunim me Policinë Pyjore, mbi bazën e informacioneve të marra në rrugë operative, se një shtetas ishte duke prerë disa pisha në një zonë jo të mbrojtur në fshatin Gurelurë, kanë shkuar menjëherë në këtë zonë ku ka rezultuar se:
Në fshatin Gurelurë Ekonomia Rajonale Lura 1, në një zonë jo të mbrojtur, u konstatuan 7 pisha të prera dhe të ndara në trupa, gjithësej 2.1 m3(metër kub)
Nga veprimet e para hetimore si dhe mbi bazën e informacioneve të marra në rrugë operative dyshohet se këto pisha i ka prerë shtetasi A.H, i cili porsa ka parë se në drejtim të tij po shkonte policia është larguar menjëherë në drejtim të pyllit. Shtetasi i lartpërmendur është shpallur në kërkim policor dhe po punohet për kapjen e tij.
Një tjetër person është ndaluar nga policia në Bulqizë rreth orës 23:00, në qafën e “Buallit”, kanë kapur shtetasin L.B, 34 vjeç banues në Bulqizë, duke transportuar 9 m3(metër kub) lëndë drusore me mjetin kamion tip “Benz”, me targë BZ 2114 A, pa dokumentacionin përkatës.
Top Channel
