Muxhaheidinët, Rama i përgjigjet kërkesës së Nokës
08/07/2016 19:10
80-vjetori i Çlirimit të Shqipërisë, urimi i veçantë i Ramës më 29 nëntor 29/11 08:19
Kryeministri Edi Rama i është përgjigjur shqetësimit të nënkryetarit të komisionit parlamentar të sigurisë kombëtare, Flamur Noka, lidhur me ardhjen e muxhaheidinëve në Shqipëri.
“Duke pasur parasysh kushtet ekstreme dhe situatën e tensionuar që rrezikonte jetën e një komuniteti shtetasish iranianë që jetojnë në Irak, anëtarë të organizatës MEK, qeveria shqiptare gjykoi të udhës të vendosej në krah të aleatit tonë strategjik, Shteteve të Bashkuara, për të ndihmuar në evakuimin urgjent të këtij komuniteti nga Iraku, përkohësisht drejt shqipërisë”, thuhet në letrën përgjigje të Ramës.
Shefi i qeverisë nënvizon se, nga viti 2013 e deri më sot, numri i personave të ardhur në Shqipëri është 1.001, ndërkohë që në bazë të pritshmërive do të jenë edhe 1.900 persona të tjerë që do të mbërrijnë brenda vitit 2016.
“Të gjithë këta persona vetëfinancohen, ndërsa autoritetet shqiptare janë në bashkëpunim të ngushtë me organizata të ndryshme ndërkombëtare, si UNHCR, IOM apo RMSA”, sqaron Rama.
Ai nënvizon gjithashtu se, të gjithë këta persona kanë hyrë në vendin tonë nën mbikëqyrjen e Ministrisë së Brendshme dhe SHISH dhe deri tani janë integruar më së miri në komunitet, duke mos shkaktuar asnjë incident serioz.
Top Channel
