Zbulimi: Thika e faraonit nuk është bërë me material tokësor
02/06/2016 00:00
Kina nis një tjetër mision hënor, gara hapësinore me SHBA-në po nxehet! A do të realizohet “ëndrra e përjetshme” e liderit Xi Jinping?
03/05 12:36
Arkeologë italianë kanë analizuar thikën e gjetur në varrin e Tutankhamunit, faraonit egjiptian që ka mbretëruar 3340 vite më parë.
Shkencëtarë thonë se përbërja është nga gurë meteoritësh, pasi përqendrimi i nikelit në materialet tokësore është rreth 4%, ndërsa thika e mbretit Tut e ka 11%.
Ajo që i bindi përfundimisht shkencëtarët ishte prania e kobaltit në hekur, një element që nuk gjendet në metalet tokësore, por që gjendet bollshëm në meteoritet e krijuara që në fillim të sistemit diellor.
Zbulimi është botuar në gazetën e “Shkenca Planetare dhe Meteorike”, (Meteoritics and Planetary Science). Megjithatë, kjo nuk është hera e parë që metalet e lashta kanë përbërje meteoritesh.
Kur gërmimi për metale nuk njihej aq gjerësisht dhe kërkesa për metale ishte shumë e lartë mes pasanikëve të fuqishëm, njerëzit gjenin gurë meteorësh mbi sipërfaqen e tokës të cilat i shkrinin. Një hieroglife, (foto 3), tregon që egjiptianët i quanin disa metale edhe si “hekur i rënë nga qielli”.
Varri i Mbretit Tut, faraonit Tutankhamun, u zbulua në vitin 1923 nga anglezi Hauard Karter, i cili i shkaktoi gjithashtu shumë dëme për shkak të pakujdesisë. (foto 5 dhe 6)
Top Channel
