Janë liçencuar si ekspertë që asistojnë në gjykatë psikologë, vlerësues të pasurive, administratorë falimenti e mbikëqyrjeje për kolaudim. Por ekspertë si interpretë për shurdhë-memecët nuk ka.
Mungesa e tyre doli në pah gjatë një mase sigurimi për një 26-vjeçar shurdh-memec, një rast i papredcedent, i cili deri në orën 15 vuri në vështirësi gjyqtaren Anila Zëre dhe prokurorin Artan Lulo.
Për pesë orë gjykata ka qenë në kërkim të një interpreti, i cili duhet t’i shpjegonte të arrestuarit se cilat ishin të drejtat e tij dhe përse ai ishte arrestuar.
Pas dhjetëra telefonatave nga gjyqtarja dhe prokurori i çështjes, komisariati numër 4 gjeti një mësuese në institutin e shurdhë-memecëve.
Shtetasi Romeo Rakipi, 26 vjeç, është arrestuar për vjedhje të pjesëve të makinave. Përmes interpretes ai i tha gjykatës se është i varfër dhe prandaj kishte vjedhur.
Në përfundim gjykata e la në arrest shtëpie me kushtin që mos të kontaktojë me askënd. Një masë që duket e sigurtë, sa kohë kontakti me të nuk është nga gjërat më të lehta. Këtë e provoi vetë në kurriz për pesë orë Gjykata e Tiranës.
Top Channel
