USAID mbështet OSHEE: U kapërcye situata kritike
09/05/2016 00:00
Vetëplagoset çobani në Vlorë, dërgohet me urgjencë në spital 04/08 23:31
Në Tiranë ka nisur këtë të hënë punimet treditore konferenca me temë “Programi i Teknologjisë Energjitike dhe Qeverisjes”, e organizuar nga USAID në bashkëpunim me OSHEE-në.
Përgjatë punimeve pjesëmarrësit do të diskutojnë sfidat e sektorit të energjisë, tregu dhe liberalizimi i tij, refomat në modernizimin e këtij sektori dhe të tjera sfida.
Në fjalën e mbajtur, përfaqësuesi i USAID vlerësoi reformat e ndërmarra në këtë sektor dhe sipas tij tashmë është kapërcyer situata kritike.
“Këto institucione kanë demonstruar përkushtimin e tyre, duke punuar shumë për të kapërcyer situatën kritike të sektorit energjetik, për ta vendosur atë në rrugën e reformave të rëndësishme dhe vendimtare, e cila ka një ndikim të gjerë në ekonominë dhe popullin e Shqipërisë”, theksoi Marcus Johnson.
Drejtorja e Divizionit Tregtar pranë OSHEE, Albana Ferraj përshkroi shkurtimisht etapat e zhvillimit të kompanisë, nisjen e reformës dhe rezultatet e arritura, dhe çfarë pritet me liberalizimin e tregut të energjisë.
Top Channel
