Gjykim i shkurtuar për Haxhi Giun
15/04/2016 16:30
Debate në KLP, Tiranës dhe Elbasanit i mungojnë 51 prokurorë
18/07 21:17
Pas dy seancave të shtyra, Gjykata e Krimeve të Rënda ka vendosur të aplikojë gjykimin e shkurtuar për ish-prokurorin e Krujës, Haxhi Giu.
Ai ndodhet nën akuzë për korrupsion së bashku me shtetasin Aleks Shpori, pasi ka kërkuar një shumë prej 10 mijë eurosh për të lehtësuar gjendjen e vëllait të Shporit.
Në seancat e mëparshme Giu kërkoi të lirohej me argumentin se kishte probleme shëndetësore, e përballë kësaj kërkese gjykata caktoi një grup ekspertësh. Në seancën e kësaj të premteje e që ishte e treta, ish-prokurori kërkoi gjykim të shkurtuar përmes avokatit të tij, duke shmangur në këtë mënyrë gjykimin e zakonshëm.
Ish-prokurori kishte premtuar të ndryshonte akuzën për një të arrestuar për çështje droge në shkëmbim të një shume lekësh, një pjesë e të cilave ishin lënë si garanci në një “exchange”.
Top Channel
