Reforma zgjedhore, PD dhe PS caktojnë ekspertët
04/04/2016 14:40
“Ky është vetëm fillimi”, Ngjela për megaoperacionin e SPAK: Zyrtarët e lartë të kapur nga Prokuroria e Posaçme, janë mbi 100 emra 21/05 18:35
Mbledhja e parë pas konstituimit të komisionit parlamentar të reformës zgjedhore nisi me këmbë të mbarë. Konsensusi dominoi mbledhjen ku u caktuan dy ekspertë nga mazhoranca dhe opozita, ndërsa LSI, PDIU dhe PR përfaqësohen me nga një ekspert.
Detyra e tyre e parë e ngarkuar lidhet me listimin e vërejtjeve të renditura nga OSBE/ODIHR pas zgjedhjeve të përgjithshme të 2013-s dhe lokalet e 2015-s.
Bashkim Fino propozoi pasjen e një prezence ndërkombëtare nga OSBE për të ndihmuar këtë reformë, propozim ky që është mirëpritur nga homologu i tij demokrat, Oerd Bylykbashi.
Demokratët e bënë të qartë se kriminalizimi i korrupsionit zgjedhor, duke e ndëshkuar akoma më shumë, do të jetë një ndër kërkesat më thelbësore prej tyre.
Republikani Fartmir Mediu kërkoi që të zbatohet një nen i Kodit aktual Zgjedhor numërimi elektronik. Anëtarët e komisionit ranë dakord për një seancë dëgjimore me kryetaren e KQZ-së në seancat e radhës.
Top Channel
