Gjykata Administrative rrëzoi padinë e shoqerisë civile, e cila për tre vjet me radhë kundërshtoi një vendim të Këshillit Kombëtar të territorit për ndërtimin e Xhamisë së Namazgjasë në Tiranë.
Në verdiktin e shpallur me dyer të mbyllura, gjykata deklaroi se instituti i çështjeve kombëtare nuk legjitimohet si palë e dëmtuar për sa kohë e drejta publikut për t’u ankuar në gjykatë për çështje të mjedisit has në barriera ligjore.
Kjo pasi grupet e interesit mund të ankohen në gjykatë vetëm për të shfuqizuar një ligj apo akt që cënon interesin publik, por nuk mund të kërkojnë shfuqizimin e një akti administrativ individual që cenon çështjet e mjedisit, sikurse dëmtimi i lulishtes pranë Parlamentit.
Por, përfaqësuesit e shoqërisë civile u shprehen për Top Channel se ka një praktikë të Gjykatës Kushtetuese që hyn në kontradiktë me këtë verdikt.
“Ne kemi një rast shumë të freskët, siç ka qenë kundërshtimi që i bëri shoqëria civile pastaj edhe një grup deputetët paktit detar me Greqinë, si e tillë Gjykata Kushtetuese e pranoi dhe kur e pranon kjo gjykatë nuk duhet ta pranojë një gjykatë e shkallës së parë”, shprehet Kasteriot Frashëri.
Paditësit pohojnë se do ta apelojnë vendimin.
Gjyqi për ndërtimin e Xhamisë së Namazgjasë zgjati tre vjet, së pari nisi në Gjykatën e Civile e më pas u kalua për kompetencë në Gjykatën Administrative.
Ndërsa, beteja gjyqësore mes shoqërisë civile dhe këshillin kombëtar të territorit vijonte, lulishtja e debatuar është kthyer në një kantier ndërtimi.
Top Channel
