Tiranë, Këshilli Bashkiak miraton taksat vendore. PD nuk i votoi

Të djathtët kërkuan që në mbledhje të merrnin pjesë grupe të interesit, ndërsa kreu i Këshillit, Dalipi u shpreh se ata janë dëgjuar në komisione edhe gjatë të premtes dhe kanë rënë dakort me ndryshimet e bëra.

Jashtë mbledhjes, një grup njerëzish tentonin të hynin me forcë në sallë. Jashtë kësaj salle, kryetarët e grupeve të kështillarëve artikuluan edhe qëndrimet e tyre mbi vendimin.

 “Kemi legalizuar një marrëveshje të Bashkisë së Tiranës me qytetarët e saj. Në radhë të parë kemi hequr taksën e tavolinës, ajo taksë nuk do të aplikohet më. Ishte një akord i arritur nga vetë qytetarët, nga vetë grupet e interesit me kryetarin e Bashkisë së Tiranës dhe tashmë kjo taksë nuk është më”, deklaroi kreu i grupit të PS në Këshillin Bashkiak të Tiranës.

“Në mënyrë që të shmangim atë fatkeqësi të madhe që po ndodh sot, vrasjen e inciativës së lirë, vendosjen e dikaturës së urisë dhe ndryshjen përfundimtare dhe kthiomin e njerëzve në skllevër që punojnë për qeverinë dhe për bashkinë”, tha kreu i demokratëve në Këshill, Leonard Olli

“Nga një anë mbron interesat e qytetarëve dhe nga ana tjetër mbron interesat e biznesit, por edhe këto duke i parë si pjesë integrale të zhvillimit”, u shpreh Shezai Rrokaj, kreu i grupit të LSI.

Këshilli Bashkiak kaloi edhe pesë vendime të tjeta, mes të cilave edhe ngritja e memorialit të Papa Françeskut.

Top Channel