Shkodër, Apeli shpall të paligjshëm ndalimin e biznesmenit Fishta
07/03/2016 18:15
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Me kërkesë të avokatëve mbrojtës, të cilit kishin apeluar vendimin e Gjykatës së shkallë së parë, është zhvilluar këtë pasdite seanca në Gjykatën e Apelit të Shkodrës ndaj biznesmenit Sait Fishta, i cili po hetohej në gjendje të lirë kundrejt garancisë pasurore prej 50 mijë eurosh, nën akuzën e ndërtimit të paligjshëm.
Mbrojtja i është drejtuar trupit gjykues duke i kërkuar shfuqizimin e vendimit të shkallës së parë, duke e cilësuar atë si të paligjshëm.
Pasi ka dëgjuar organin e akuzës dhe atë të mbrojtjes, trupi gjykues ka marrë vendimin duke e quajtur të paligjshëm arrestimin e shtetasit Sait Fishta dhe duke hequr masën e sigurisë detyrim paraqitjeje ndaj tij, bashkë me shumën prej 50 mijë euro që kishte vënë si garanci pasurore.
Togat e zeza të apelit kanë vendosur gjithashtu edhe heqien e sekuestros për 9 pallatet në plazhin e Velipojës që kishte vendosur Prokuroria e Shkodrës. Avokati mbrojtës, Përparim Sanxhaku e vlerësoi si të drejtë vendimin.
Top Channel
